கே.பாலச்சந்தருக்கு அழகப்பா பல்கலை. டாக்டர் பட்டம்

காரைக்குடி:

திரைப்பட இயக்குனர் கே.பாலச்சந்தருக்கு காரைக்குடி அழகப்பா பல்கலைக்கழகம் கெளரவ டாக்டர் பட்டம் வழங்கவுள்ளது.

சமீபத்தில் சென்னை சத்யபாமா நிகர்நிலைப் பல்கலைக்கழகம் கே.பாலச்சந்தரின் கலையுலக சேவையைப் பாராட்டி கெளரவடாக்டர் பட்டம் வழங்கியது.

இந் நிலையில் காரைக்குடி அழகப்பா பல்கலைக்கழகமும் கெளரவ டாக்டர் பட்டத்தை வழங்கப் போவதாக அறிவித்துள்ளது.

அக்டோபர் 18ம் தேதி காரைக்குடியில் நடைபெறும் பல்கலைக்கழகத்தின் 18வது பட்டமளிப்பு விழாவின்போது பாலச்சந்தருக்குஇந்தப் பட்டம் வழங்கப்படும்.

ஆளுனர் சுர்ஜித் சிங் பர்னாலா இந்த விழாவில் பங்கேற்று பாலச்சந்தருக்கு டாக்டர் பட்டத்தை வழங்கவுள்ளார்.