குஷ்பு, விஜயகாந்த்துக்கு எதிராக ஆர்ப்பாட்டம்

சென்னை:

பெண்களின் கற்பு குறித்துப் பேசிய நடிகை குஷ்புவைக் கண்டித்தும், அவரைக் கண்டிக்காத நடிகர் சங்கத் தலைவர்விஜயகாந்த்தைக் கண்டித்தும் சென்னையில் ஆர்ப்பாட்டம் நடத்தப்பட்டது.

தமிழ்நாடு காங்கிரஸ் கட்சியின் மனித உரிமைக் கழகம் சார்பில் சென்னை பாலவாக்கம் பகுதியில் இந்த ஆர்ப்பாட்டம் நடந்தது.

பெண்களின் கற்பு குறித்துப் பேசிய குஷ்பு உடனடியாக மன்னிப்பு கேட்க வேண்டும். அவரைக் கண்டித்து நடவடிக்கை எடுக்காதநடிகர் சங்கத் தலைவர் விஜயகாந்த்தும் மன்னிப்பு கேட்க வேண்டும் என்று ஆர்ப்பாட்டத்தில் கலந்து கொண்டவர்கள்கோஷமிட்டனர்.

நூற்றுக்கும் மேற்பட்டோர் இந்த போராட்டத்தில் கலந்து கொண்டனர்.