ராகுல் இன்று திருச்சி, மதுரை வருகை

திருச்சி:

காங்கிரஸ் எம்.பி. ராகுல் காந்தி இன்று திருச்சி, மதுரையில் சுற்றுப்பயணம் செய்கிறார்.

இன்று காலை சென்னை வரும் ராகுல் அங்கிருந்து பிற்பகல் 11 மணிக்கு திருச்சி செல்கிறார். ஸ்ரீரங்கத்தில் உள்ள தனியார் தொண்டுநிறுவன நிகழ்ச்சியில் கலந்து கொள்கிறார்.

பின்னர் திண்டுக்கல் மாவட்டம் குஜிலியம்பாறை, பஞ்சப்பட்டி ஆகிய இடங்களில் உள்ள அந்தத் தொண்டு நிறுவனத்தின்கிளைகளுக்குச் சென்று பார்வையிடுகிறார்.

அதன் பின்னர் கார் மூலம் திண்டுக்கல் வழியாக மதுரை செல்கிறார் ராகுல்காந்தி. மதுரையில் சில நிகழ்ச்சிகளில் கலந்து கொண்டபின்னர் அவர் டெல்லி திரும்புகிறார்.

நேற்று கர்நாடக மாநிலம் தர்மஸ்தலாவுக்கு வந்த ராகுல் அங்கிருந்து கார் மூலம் கேரள மாநிலம் கோழிக்கோடு சென்றார்.அங்கிருந்து இன்று காலை சென்னை வந்து திருச்சி செல்கிறார்.