திருப்பதி: அதிர்ஷ்டவசமாய் தப்பிய 70 விமான பயணிகள்

திருப்பதி:

திருப்பதி விமான நிலையத்தில் இருந்து புறப்பட்ட இந்தியன் ஏர்லைன்ஸ் விமானத்தின் டயர் வெடித்தது. விமானம் டேக் ஆப் ஆகஇருந்த நேரத்தில் இந்த டயர் வெடிப்பு ஏற்பட்டது.

ரேணிகுண்டு விமான நிலையத்தில் இருந்து ஹைதராபாத்துக்கு அந்த விமானம் செல்ல இருந்தது. ரன் வேயில் அரை கி.மீ. தூரம்ஓடிய நிலையில் அதன் இடது பக்க டயர்களில் ஒன்று வெடித்தது. இதையடுத்து மிகத் துரிதமாக செயல்பட்ட விமானி டேக் ஆப்செய்வதைத் தவிர்த்துவிட்டார்.

ஆனால், விமானம் படு வேகத்தில் ஓடிக் கொண்டிருந்ததால் ரன்வேயின் கடைசி நுனி வரை அந்த விமானம் ஓடிவிட்டு நின்றது.

வெடித்த டயருடன் விமானம் வானில் பறந்திருந்தால் தரையிறங்கும்போது மிகப் பெரிய அளவில் பிரச்சனைகள்உருவாகியிருக்கும் என்பது குறிப்பிடத்தக்கது.

இதையடுத்து பயணிகள் அனைவரும் பத்திரமாக இறக்கப்பட்டு இரவு திருப்பதியிலேயே பல்வேறு ஹோட்டல்களில் தங்கவைக்கப்பட்டனர். இரவில் விமானங்களை இயக்க ரேணிகுண்டா விமான நிலையத்தில் வசதி இல்லை என்பதும்குறிப்பிடத்தக்கது.