பிகாரில் இன்று 2ம் கட்டத் தேர்தல்

பாட்னா:

பிகார் சட்டப் பேரவைக்கு இன்று இரண்டாம் கட்டத் தேர்தல் நடக்கிறது.

மொத்தம் 62 தொகுதிகளுக்கு நடக்கும் இந்தத் தேர்தலில் வாக்களிக்க 1.3 கோடி பேர் தகுதி பெற்றுள்ளனர். 492 பேர் போட்டியில்உள்ள இத் தேர்தலின் வாக்குப் பதிவுக்காக 14,000 வாக்குச் சாவடிகள் அமைக்கப்பட்டுள்ளன.

மிக பலத்த பாதுகாப்பும் போடப்பட்டுள்ளது. மத்தியப் படைகள் தவிர விமானப் படை

ஹெலிகாப்டர்களும் பாதுகாப்புப் பணியில் ஈடுபடுத்தப்பட்டுள்ளன.

6 மாதங்களுக்கு முன் நடந்த தேர்தலில் எந்தக் கட்சிக்கும் அறுதிப் பெரும்பான்மை கிடைக்காததாலும், ராம்விலாஸ் பாஸ்வானின்கட்சி எம்எல்ஏக்களை விலைக்கு வாங்கி ஆட்சி அமைக்க பாஜக கூட்டணி முயன்றதாலும் சட்டமன்றம் கலைக்கப்பட்டது.

இதையடுத்து ஒரே ஆண்டில் இரண்டாவது முறையாக இப்போது மீண்டும் தேர்தல் நடக்கிறது. கடந்த 18ம் தேதி நடந்த முதல்கட்டத் தேர்தலில் 57 தொகுதிகளில் வாக்குப் பதிவு நடந்தது.

பாதுகாப்பை மனதில் கொண்டு அங்கு 4 கட்டமாக தேர்தல் நடக்கிறது.