திமுக கூட்டணி விவசாயிகள் போராட்டம்

சென்னை:

தமிழகத்தின் பல்வேறு பகுதிகளில் திமுக தலைமையிலான கூட்டணிக் கட்சிகளைச் சேர்ந்த விவசாயிகள் இன்று ஆர்ப்பாட்டம்செய்தனர்.

தமிழக அரசின் உழவர் மேம்பாட்டுத் திட்டத்திற்கு திமுக உள்ளிட்ட கூட்டணிக் கட்சிகள் கடும் எதிர்ப்பு தெரிவித்து வருகின்றன.இந் நிலையில் அதிமுக அரசின் விவசாய விரோத போக்கைக் கண்டித்து திமுக கூட்டணிக் கட்சிகள் சார்பில் இன்று தமிழகம்முழுவதும் கண்டன ஆர்ப்பாட்டம் நடத்தப்பட்டது.

தஞ்சை, திருச்சி உள்ளிட்ட மழை வெள்ளத்தால் பாதிக்கப்பட்டுள்ள காவிரி பாசனப் பகுதி மாவட்டங்களைத் தவிர்த்து மற்றபகுதிகளில் போராட்டம் நிடத்தப்பட்டது.

மதுரையில், திமுக மாவட்ட செயலாளர் வேலுச்சாமி தலைமையிலும், விழுப்புரத்தில் மாவட்ட திமுக செயலாளர் பொன்முடிதலைமையிலும், சேலத்தில் மாவட்ட செயலாளர் வீரபாண்டி ஆறுமுகம் தலைமையிலும், தூத்துக்குடியில் மாவட்டச் செயலாளர்பெரியசாமி தலைமையிலும் போராட்டம் நடத்தப்பட்டது.

இதுதவிர விருதுநகர், திருநெல்வேலி, ராமநாதபுரம், சிவகங்கை உள்ளிட்ட பல்வேறு மாவட்டங்களிலும் போராட்டம்நடத்தப்பட்டது.