திருக்குறளை தேசிய நூலாக்க திமுக கோரிக்கை

திருச்சி:

திருக்குறளை தேசிய நூலாக அறிவிக்க வேண்டும் என்று திருச்சி திமுக மாநாட்டில் தீர்மானம் கொண்டு வரப்பட்டது.

நிறைவேற்றப்பட்ட முக்கிய தீர்மானங்கள்:

- திருக்குறளை தேசிய நூலாக மத்திய அரசு அறிவிக்க வேண்டும்.

- சுயமரியாதை திருமணங்களை நாடு முழுவதும் நடத்துவதற்கு வசதியாக சட்டத் திருத்தம் கொண்டு வரப்பட வேண்டும்.

- நாடாளுமன்ற, சட்டசபை தொகுதிகளில் மகளிருக்கு 33 சதவீத இட ஒதுக்கீட்டை அமல்படுத்த நடவடிக்கை எடுக்க வேண்டும்.

- தமிழை மத்திய ஆட்சி மொழியாக்க மத்திய அரசு உறுதியான நடவடிக்கையை எடுக்க வேண்டும்.

- காவிரி நடுவர் மன்றத்தின் இறுதித் தீர்ப்பை உடனடியாக வெளியிட நடவடிக்கை எடுக்க வேண்டும்.

- சிறுபான்மை சமூகத்தினரான கிறிஸ்தவர்கள், இஸ்லாமியர்களுக்கு, கல்வி, வேலை வாய்ப்பில் இட ஒதுக்கீடு வழங்க ஆவண செய்ய வேண்டும்.

- தென்னக நதிகளை இணைக்கும் பணியினை உடனடியாகத் தொடங்க வேண்டும்.

- பெரியாறு அணையில் 152 அடி நீரைத் தேக்கி வைக்க மத்திய அரசு உரிய முறையில் தமிழக அரசுக்கு உதவ வேண்டும் உள்ளிட்ட பல தீர்மானங்கள் நிறைவேற்றப்பட்டன.