காங்கிரஸ் வேட்பாளர் பட்டியல் ரெடி!

புதுடெல்லி:

காங்கிரஸ் கட்சியின் வேட்பாளர் பட்டியல் தயாராகி விட்டதாக தெரிகிறது. ஏப்ரல் 5ம்தேதி டெல்லியில் வேட்பாளர் பட்டியல் வெளியிடப்படும் எனஎதிர்பார்க்கப்படுகிறது.

திமுக கூட்டணியில் இடம்பெற்றுள்ள திமுக, பாமக, மார்க்சிஸ்ட் கம்யூனிஸ்ட்,முஸ்லீம் லீக் ஆகிய கட்சிகள் தங்களது வேட்பாளர் பட்டியலை வெளியிட்டு விட்டன.இந்திய கம்யூனிஸ்ட் கட்சி வரும் 5ம் தேதி வெளியிடும் என எதிர்பார்க்கப்படுகிறது.

இந்த நிலையில் காங்கிரஸ் கட்சியின் வேட்பாளர் பட்டியலும் தயாராகி விட்டதாகதெரிகிறது. காங்கிரஸ் கட்சிக்கு 48 தொகுதிகள் ஒதுக்கப்பட்டுள்ளன. இவற்றுக்கானவேட்பாளர்களை தேர்வு செய்ய டெல்லியில் தேர்வுக் குழு கூடி விவாதித்து வந்தது.

வீரப்ப மொய்லி தலைமையில் நடந்த இந்த ஆலோசனைக் கூட்டங்களில் தமிழககாங்கிரஸின் பல்வேறு கோஷ்டியினரும் தங்களுக்கு தேவையான தொகுதிகளைக்கோரி மொய்லியை மொய்த்து வருகின்றனர்.

அனைத்து கோஷ்டிகளும் முக்கியமான தொகுதிகளை கேட்டு நச்சரித்து வருவதால்அதிருப்தி அடைந்த வீரப்ப மொய்லி, அனைவரும் விட்டுக் கொடுத்து நடந்துகொள்ள வேண்டும், கோஷ்டிப் பூசலில் ஈடுபட வேண்டிய நேரம் இதுவல்ல,வெற்றிதான் முக்கியம் என்று அனைத்துத் தலைவர்களிடம் கண்டிப்பாக கூறினார்.

இருப்பினும் தொடர்ந்து ஆளாளுக்கு தொகுதிகளைக் கேட்டு அணத்தியதால்சோனியா காந்தி வரை ஆலோசனை நீண்டது. நேற்று 2வது முறையாக ஆலோசனைநடந்தது. இதில் தமிழக தலைவர் கிருஷ்ணசாமி, எஸ்.ஆர்.பாலசுப்ரமணியம்உள்ளிட்டோர் கலந்து கொண்டனர்.

இதில் பெரும்பாலான தொகுதிகளுக்கான வேட்பாளர்கள் முடிவு செய்யப்பட்டனர்.தற்போது இறுதிப் பட்டியல் தயாராகி விட்டதாக கூறப்படுகிறது. இப்பட்டியல்சோனியா காந்தியிடம் கொடுக்கப்பட்டிருப்பதாகவும், அவர் ஒப்புதல் அளித்த பிறகு5ம் தேதி பட்டியலை வெளியிடவும் காங்கிரஸ் தலைவர்கள் முடிவு செய்துள்ளனர்.

பட்டியலை பல கட்டமாக வெளியிடாமல் ஒரே கட்டமாக அறிவித்து விடவும்தலைவர்கள் சோனியா காந்தியை வற்புறுத்தி வருகிறார்கள். 5ம் தேதிக்குள் எப்படியும்பட்டியல் வெளியாகி விடும் என எதிர்பார்க்கப்படுகிறது.