போட்டியிட மறுப்பு: தேமுதிக வேட்பாளர் "பல்டி!

கிருஷ்ணகிரி:

கிருஷ்ணகிரி தொகுதி தேசிய முற்போக்கு திராவிட கழகம் கட்சியின் வேட்பாளராகஅறிவிக்கப்பட்டவர், திடீரென தேர்தலில் போட்டியிட முடியாது என்று மறுத்துவிட்டதால் கட்சியினர் அதிர்ச்சி அடைந்துள்ளனர்.

நடிகர் விஜயகாந்த்தின் தேசிய முற்போக்கு திராவிட கழகம் கட்சியின் கிருஷ்ணகிரிவேட்பாளராக அன்பரசன் என்பவர் அறிவிக்கப்பட்டார்.

இவர் அரசுப் பள்ளியில் ஆசிரியராக பணியாற்றி வருகிறார். தேர்தலில் நிற்பதற்காகதனது பதவியை அவர் ராஜினாமா செய்து கடிதம் அனுப்பினார்.

ஆனால், அவரது ராஜினாமா கடிதம் இன்னும் ஏற்கப்படவில்லையாம். இதனால் என்னசெய்வது என்று தெரியாமல் குழம்பிய அன்பரசன், தான் தேர்தலில் போட்டியிடமுடியாத நிலை ஏற்பட்டுள்ளதால் கிருஷ்ணகிரி தொகுதியில் நிற்க முடியாது என்றுகட்சித் தலைமைக்கு தகவல் தெரிவித்துள்ளார்.

இருப்பினும் கட்சிக்காக தீவிரமாக பிரசாரம் செய்யப் போவதாக அவர்அறிவித்துள்ளார். வேட்பாளராக அறிவிக்கப்பட்டவர் திடீரென போட்டியிட முடியாதுஎன்று கூறி விட்டதால், புதிய வேட்பாளர் தேர்வு செய்யப்படுவார் என தெரிகிறது.