சோனியாவுக்கு பெல்ஜியம் டாக்டர் பட்டம்

லண்டன்:காங்கிரஸ் தலைவர் சோனியா காந்திக்கு பெல்ஜியம் நாட்டின் ஃப்ரீ பல்கலைக்கழகம் கெளரவ டாக்டர் பட்டம்வழங்கவுள்ளது.

சோனியா காந்தி பெல்ஜியத்தில் 3 நாள் சுற்றுப்பயணம் மேற்கொள்கிறார். தனது சுற்றுப்பயணத்தின்போதுபிரஸ்ஸல்ஸ் நகரில் உள்ள நுண்கலை மையத்தில் தேஜாஜ் என்று பெயரிடப்பட்ட கண்காட்சியை சோனியா காந்திசனிக்கிழமை தொடங்கி வைக்கிறார்.

இந்திய கலாச்சார உறவுக்கான கவுன்சில் மற்றும் நுண்கலை மையம் ஆகியவை இணைந்து இந்த கண்காட்சிக்குஏற்பாடு செய்துள்ளன. இந்த நிகழ்ச்சியைத் தொடர்ந்து சலூன் ராயல் என்ற அரங்கில் நடைபெறும் நிகழ்ச்சியில்சோனியா காந்தி கலந்து கொள்கிறார்.

இதேபோல, ஏப்ரஸ் என்ற இடத்தில் உள்ள காமன்வெல்த் படை வீரர்கள் நினைவிடத்திற்கும் சோனியாசெல்கிறார்.

பின்னர் ஃப்ரீ பல்கலைக்கழகம் வழங்கும் கெளரவ டாக்டர் பட்டம் வழங்கும் நிகழ்ச்சியில் சோனியா கலந்துகொள்கிறார். அவருக்கு பெல்ஜியம் பிரதமர் கய் வெர்ஹோஸ்டாட் கெளரவ டாக்டர் பட்டத்தை வழங்குவார்.

பின்னர் பெல்ஜியம் பிரதமர் சோனியா காந்திக்கு தனது அதிகாரப்பூர்வ இல்லத்தில் விருந்தளித்துகெளரவிக்கிறார்.

12ம் தேதி பிரஸ்ஸல்ஸ் அருங்காட்சியகம், மைக்கேல் பேராலயம், செயின்ட்ஸ் குடூல் ஆகிய இடங்களுக்கும்சோனியா செல்வார்.