சிறந்த அமைச்சர்கள் பட்டியலில் ப.சி, தயாநிதி

டெல்லி:சிறந்த மத்திய அமைச்சர்கள் பட்டியலில் தயாநிதி மாறனுக்கு 2வது இடம், ப.சிதம்பரத்திற்கு 3வது இடம்கிடைத்துள்ளது. டி.ஆர்.பாலு, அன்புமணி ராமதாஸ் ஆகிய தமிழக அமைச்சர்களும் இப்பட்டியலில்இடம்பெற்றுள்ளனர்.

மத்திய அரசின் செயல்பாடுகள் மற்றும் மத்திய அமைச்சர்களின் செயல்பாடுகளை அடிப்படையாக வைத்து திபைனான்சியல் எக்ஸ்பிரஸ் நாளிதழ் கருத்துக் கணிப்பு ஒன்றை நடத்தியது. அதன் முடிவுகளை அந்த இதழிவெளியிட்டுள்ளது.

பிரதமர் மன்மோகன் சிங் தலைமையிலான மத்திய அமைச்சரவையில் நம்பர் ஒன் அமைச்சராக லாலு பிரசாத்யாதவ் அறிவிக்கப்பட்டுள்ளார். அவருக்கு பத்தில் 6.3 மதிப்பெண்கள் கிடைத்துள்ளன. ரயில்வே நிர்வாகத்தைபெரும் லாபப் பாதைக்கு மாற்றியதற்காக லாலுவுக்கு இந்த முதலிடம் கிடைத்துள்ளது.

ஒரு ரூபாய் போன், இந்தியா முழுவதும் லோக்கல் கால், 10 கோடி தொலைபேசி இணைப்புகள், நோக்கியா,மோட்டாரோலா உள்ளிட்ட முன்னணி செல்போன் நிறுவனங்களை இந்திாயவுக்கு கொண்டு வந்தது உள்ளிட்டசிறந்த விஷயங்களுக்காக தயாநிதி மாறனுக்கு 2வது இடம் கிடைத்துள்ளது.

நிதியமைச்சர் ப.சிதம்பரம் 3வது இடத்தைப் பெற்றுள்ளார். இதுவரை அவர் நம்பர் 2 இடத்தில் இருந்ததுநினைவிருக்கலாம். முதல் முறையாக அவரை தயாநிதி மாறன் ஓவர் டேக் செய்துள்ளார்.

தமிழகத்தைச் சேர்ந்த பிற அமைச்சர்களான டி.ஆர்.பாலுவுக்கு 6வது இடம், அன்புமணிக்கு 10வது இடம்கிடைத்துள்ளது.

மத்திய அரசின் பொருளாதார சீர்திருத்த நடவடிக்கைகளுக்கு 6.1 மதிப்பெண்கள் கிடைத்துள்ளது. நாட்டின் 6பெருநகரங்களில் 338 முன்னணி தொழில் நிறுவனங்களிடம் இந்தக் கருத்துக் கணிப்பு நடத்தப்பட்டது.