கட்டுமான நிறுவனத்தில் வருமான வரி ரெய்ட்

சென்னை:சென்னையைச் சேர்ந்த பிரபல கட்டுமான நிறுவனத்திற்குச் சொந்தமான 6 இடங்களில்இன்று வருமான வரித்துறையினர் அதிரடி சோதனை நடத்தினர்.

சென்னையில் கஜேந்திரன், பாண்டுரங்கன் ஆகியோரை பங்குதாரர்களாகக் கொண்டுவினோத் பில்டர்ஸ் என்ற கட்டுமான நிறுவனம் இயங்கி வருகிறது. இந் நிறுவனத்திற்குதி.நகர் உள்ளிட்ட 6 இடங்களில் அலுவலகங்கள் உள்ளன.

சென்னை நகரில் அடுக்கு மாடிக் குடியிருப்புகள், தனி வீடுகளை இந்த நிறுவனம் கட்டிவிற்று வருகிறது. இங்கு பெருமளவில் வரி ஏய்ப்பு நடந்துள்ளதாக புகார்கள் வரவே,வருமான வரித்துறை அதிகாரிகள் இன்று அதிரடி சோதனை நடத்தினர்.

நிறுவனத்திற்குச் சொந்தமான 6 இடங்களிலும் ஒரே நேரத்தில் சோதனைநடத்தப்பட்டது. இந்த சோதனையில் வரி ஏய்ப்பு தொடர்பான பல முக்கியஆவணங்கள் சிக்கியதாகத் தெரிகிறது.