ஹஜ்-தமிழக யாத்ரீகர்களை தேர்வு செய்ய குலுக்கல்

சென்னை:ஹஜ் செல்ல விண்ணப்பித்துள்ள தமிழக பயணிகளை தேர்வு செய்ய வரும் 14ம் தேதி குலுக்கல் நடைபெறவுள்ளது.

இந்த வருடம் ஹஜ் குழுவின் சார்பில் 3,3084 பயணிகள் அழைத்துச் செல்லப்படவுள்ளனர். ஆனால், 6,800 விண்ணப்பங்கள் வந்துள்ளன. இதையடுத்து குலுக்கல் முறையில் பயணிகள் தேர்வு செய்யப்படவுள்ளனர்.

இந்த குலுக்கல் வரும் 14-ம்தேதி ராயப்பேட்டை நியூ காலேஜில் உள்ள ஆனைக்கார் அப்துல் சுக்கூர் அரங்கத்தில் நடைபெறுகிறது. தமிழ்நாடு மாநில ஹஜ் குழுவின் தலைவரின் தலைமையில் இந்த குலுக்கல் நடைபெறும்.