3 விபத்துக்களில் 16 பேர் பலி

பெங்களூர்:

கர்நாடக மாநிலத்தில் இன்று நடந்த 3 விபத்துக்களில் 16 பேர் உயிரிழந்தனர்.

இன்று காலை பத்கல் என்ற இடத்தில் நடந்த முதல் விபத்தில், தேசிய நெடுஞ்சாலையில் வந்து கொண்டிருந்த அரசுப் பேருந்து, ஆட்டோ மீது மோதியது.

இந்த விபத்தில் 4 பேர் சம்பவ இடத்திலேயே உயிரிழந்தனர். மேலும் 3 பேர் மருத்துவமனைக்கு கொண்டு செல்லும் வழியில் இறந்துவிட்டனர்.

2வது விபத்தில் 6 பேர் பலி:

சித்ரதுர்கா மாவட்டம் உள்ள மொலக்கல்முர் தாலுகாவில் உள்ள ராயபுராவில் கார் ஒன்று லாரி மீது மோதியது. இந்த விபத்தில் 6 பேர் சம்பவ இடத்திலேயே உயிரிழந்தனர்.

வீடு இடிந்து 3 பேர் பலி:

தாவணகரே மாவட்டம் ஹச்சன்கிதுர்கா என்ற இடத்தில் இடைவிடாது பெய்த மழையால் நேற்று மாலை வீடு ஒன்று இடிந்து விழுந்தது. இந்த விபத்தில் வீட்டில் இருந்த சித்தவ்வா, கீதா ஆகிய இரு சிறுமிகளும், ஹாலம்மா என்ற பெண்ணும் இறந்தனர்.