• search
For Quick Alerts
ALLOW NOTIFICATIONS  
For Daily Alerts

தமிழகத்துக்கு 9 புதிய ரயில்கள்: மூன்று ரயில்கள் நீட்டிப்பு

By Staff
|

Lalu Prasad Yadav
டெல்லி: ரயில்வே பட்ஜெட்டில் 53 புதிய ரயில்கள் அறிவி்க்கப்பட்டுள்ளன. இதில் தமிழகத்துக்கு 9 புதிய ரயில்கள் ஒதுக்கப்பட்டுள்ளன.

1. சென்னை-சேலம் இடையே விருத்தாசலம் வழியாக புதிய தினசரி எக்ஸ்பிரஸ் ரயில்.

2. சென்னை-திருச்செந்தூர் இடையே வாரந்திர ரயில்.

3. ராமேஸ்வரம்-வாரணாசி இடையே வாரந்திர ரயில்

4. சென்னை-கயா இடையே வாராந்திர ரயில்

5. சென்னை-ராமேசுவரம் இடையே மயிலாடுதுறை, காரைக்குடி வழியாக தினசரி ரயில்

6. சென்னை-திருச்சி இடையே மயிலாடுதுறை வழியாக தினசரி எக்ஸ்பிரஸ் ரயில்.

7. மதுரை-தென்காசி இடையே தினசரி ரயில்

8. விழுப்புரம்-மயிலாடுதுறை இடையே தினசரி ரயில்

9. நெல்லை-திருச்செந்தூர் இடையே தினசரி பாசஞ்சர் ரயில்

இதில் சில ரயில் பாதைகளில் அகலப் பாதை பணிகள் முடிவுறும் நிலையில் உள்ளன. இந்தப் பணிகள் நிறைவடைந்தவுடன் அந்த ரயில்கள் இயக்கப்படும்.

கேரளா நெருக்கடி-தமிழக ரயில் எர்ணாகுளத்துக்கு:

பெங்களூர்-கோவை இடையிலான எக்ஸ்பிரஸ் ரயில் கேரள லாபியின் பயங்கர நெருக்கடி காரணமாக எர்ணாகுளம் வரை நீட்டிக்கப்பட்டுள்ளது. மேலும் கேரளாவில் புதிய ரயில் பெட்டி தொழிற்சாலையும் அமைக்கப்படவுள்ளது.

பெங்களூர் பாபா ஆசிரமம் வரை சென்னை ரயில்:

சென்னை-பெங்களூர் எக்ஸ்பிரஸ் ரயில் சாய் பாபாவின் பிரசாந்த்தி நிலையம் வரை நீடிக்கப்பட்டுள்ளது.

கோவை-கும்பகோணம் ஜனசதாப்தி எக்ஸ்பிரஸ் மயிலாடுதுறை வரை நீடிக்கப்படுகிறது

தூத்துக்குடி-திருநெல்வேலி பாசஞ்சர் ரயில் திருச்செந்தூர் வரை நீடிக்கப்படும்.

மேலும் எண்ணூர் துறைமுகத்திலிருந்து புத்தூர் வரை தனி சரக்கு ரயில் பாதை அமைக்க ஒப்புதல் தரப்பட்டுள்ளது.

பெங்களூர்-புதுச்சேரி ஏழைகள் ரதம்:

நாடு முழுவதும் 10 புதிய ஏழைகள் ரதம் ரயில்கள் அறிமுகப்படுத்தப்படவுள்ளன. இதில் ஒரு ரயில் புதுச்சேரி-பெங்களூர் இடையே வாரம் 3 தடவை இயக்கப்படவுள்ளது.

2010ம் ஆண்டுக்குப் பின் முழுக்க முழுக்க ஸ்டெயின்லெஸ் ஸ்டீல் ரயில் பெட்டிகள் தான் உற்பத்தி செய்யப்படும் என அறிவிக்கப்பட்டுள்ளது.

காமன்வெல்த் போட்டிகளை முன்னிட்டு புனே-டெல்லி இடையே சிறப்பு ரயில் இயக்கப்படவுள்ளது. மும்பை புறநகர் ரயில் போக்குவரத்தில் 300 கூடுதல் சேவைகள் சேர்க்கப்படவுள்ளன.

இவ்வாறு ரயில்வே பட்ஜெட்டில் அறிவிக்கப்பட்டுள்ளன.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X