எம்பிபிஎஸ் படிப்பு: கட்டண விவரம் வெளியீடு

சென்னை: தமிழகத்தில் மருத்துவக் கல்லூரிகளில் எம்பிபிஎஸ் படிப்புக்கான கட்டண விவரங்களை அரசு வெளியிட்டுள்ளது.

தமிழகத்தில் 14 அரசு மருத்துவ கல்லூரிகள் உள்ளன.

இந்த மருத்துவ கல்லூரிகளில் எம். பி.பி.எஸ். படிப்புக்கான கட்டணத்தில் மாற்றம் இல்லை. கடந்த ஆண்டை போலவே இந்த ஆண்டும் கல்வி கட்டணம் ரூ.4,000 உள்பட மொத்தம் ரூ.10,000 கட்டணமாக நிர்ணயிக்கப்பட்டுள்ளது.

இவை தவிர தமிழகத்தில் சென்னை செட்டிநாடு மருத்துவக் கல்லூரி (அரசு ஒதுக்கீட்டு இடங்கள் 97) கோவை பி.எஸ்.ஜி. மருத்துவக் கல்லூரி(அரசு ஒதுக்கீட்டு இடங்கள் 65), குலசேகரம் ஸ்ரீமூகாம்பிகை மருத்துவ கல்லூரி(அரசு ஒதுக்கீட்டு இடங்கள் 50) ஆகிய 3 சுயநிதி மருத்துவ கல்லூரிகள் உள்ளன.

இந்தக் கல்லூரிகளிலும் கட்டணத்தில் எந்த மாற்றமும் செய்யப்படவில்லை. இதன்மூலம் இந்தக் கல்லூரிகளில் இந்த ஆண்டு கட்டணம்,

செட்டிநாடு மருத்துவக் கல்லூரி- எம்.பி.பி.எஸ்.- ரூ.3 லட்சம் (ஏழை மாணவர்களுக்கு 15 சதவீத கட்டண சலுகை)

பி.எஸ்.ஜி. மருத்துவக் கல்லூரி-ரூ.2.25 லட்சம்

ஸ்ரீ மூகாம்பிகை மருத்துவக் கல்லூரி குலசேகரம்-ரூ.2.40 லட்சம் என்று நிர்ணயிக்கப்பட்டுள்ளது.