டாப்-50 இந்தியர் பட்டியலில் கலாம், ரஜினி!

இந்திய மக்களின் மனங்களைக் கவர்ந்த டாப் 50 இந்தியர்களில் சூப்பர் விஞ்ஞானி டாக்டர் அப்துல் கலாமும், சூப்பர் ஸ்டார் ரஜினிகாந்தும் இடம்பெற்றுள்ளனர்.

இந்திய மக்களின் மனங்களைக் கவர்ந்த டாப் 50 பிரபலங்களின் பட்டியலை இந்திய திட்டம் மற்றும் மேலாண்மை நிறுவனம் – ஐசிஎம்ஆர் ஆகிய அமைப்புகள் நேற்று வெளியிட்டன.

இந்தியாவின் 5 முக்கியப் பெரு நகரங்களைச் சேர்ந்த மக்களிடம் எடுக்கப்பட்ட ஆய்வு முடிவுகளின் அடிப்படையில் இந்தப் பட்டியல் தயாரிக்கப்பட்டுள்ளது. இதில் தமிழகத்தைச் சேர்ந்த 5 பிரபலங்கள் இடம் பிடித்துள்ளனர்.

இந்திய அணு விஞ்ஞானத்தின் தந்தையும், முன்னாள் குடியரசுத் தலைவருமான டாக்டர் அப்துல்கலாம், சூப்பர்ஸ்டார் ரஜினிகாந்த், நிதியமைச்சர் ப.சிதம்பரம் மற்றும் இசையமைப்பாளர் ஏ.ஆர்.ரஹ்மான் ஆகியோர் இடம்பிடித்துள்ளனர். .

இந்தப் பிரபலங்களுக்கு மக்களிடம் உள்ள செல்வாக்கு, அவர்களின் ஆளுமைத் தன்மை மற்றும் தலைமைப் பண்பு ஆகிய மூன்று முக்கிய அம்சங்களின் அடிப்படையில் இந்த ஆய்வு மேற்கொள்ளப்பட்டது.