முதுகுவலி - கருணாநிதி மருத்துவமனையில் அனுமதி

சென்னை: முதுகு வலி காரணமாக தமிழக முதல்வர் கருணாநிதி மருத்துவமனையில் அனுமதிக்கப்பட்டுள்ளார்.

இது குறித்து தமிழக அரசு வெளியிட்டுள்ள செய்திக்குறிப்பில், முதல்வர் கருணாநிதிக்கு முதுகில் தசை பிடிப்பு ஏற்பட்டுள்ளது. இதையடுத்து அவர் சென்னை ராமச்சந்திரா மருத்துவ மனையில் இன்று அதிகாலை 3.30 மணிக்கு அனுமதிக்கப்பட்டார்.

குறைந்தது ஒரு வாரக் காலத்திற்காவது ஓய்வெடுக்க வேண்டும் என்று கூறியுள்ளதால் அவர் பங்கேற்க இருந்த நிகழ்ச்சிகள் அனைத்தும் ஒத்திவைக்கப்பட்டுள்ளன.

இந்த நிகழச்சிகளுக்கான தேதிகள் பின்னர் அறிவிக்கப்படும். அவர் குடியரசு தின விழாவிலும் கலந்து கொள்ளமாட்டார் என தெரிவிக்கப்பட்டிருந்தது.

மருத்துவமனையில் முதல்வர் அனுமதிக்கப்பட்டதைத் தொடர்ந்து அவருக்குப் பதில் இன்று நடந்த குடியரசு தின விழாவில் அமைச்சர் க.அன்பழகன் கலந்து கொண்டு பல்வேறு விருதுகளையும், பரிசுகளையும் வழங்கினார்.