தமிழகத்தில் சிவசேனா 4 இடங்களில் போட்டி!

கோவை: தமிழகத்தில் சிவசேனா கட்சி 4 தொகுதிகளில் போட்டியிடுகின்றது.

சிவசேனா கட்சியின் மும்பை, தமிழ்நாடு, கேரளா, ஒருங்கிணைப்பாளர் திலிப் விஜயகுமார், தமிழகத் தலைவர் குமார ராஜா ஆகியோர் கோவையில் சிவசேனா வேட்பாளர் பட்டியலை வெளியிட்டனர்.

அதன்படி, கோவையில் மாநில துணை தலைவர் செல்வம், தென் சென்னையில் ஜெயராமன், மத்திய சென்னையில் ராஜாராம் சந்து , ஸ்ரீபெரும்புதூரில் வரதராஜன் ஆகியோர் போட்டியிடுவதாக அறிவிக்கப்பட்டுள்ளது.

பின்பு திலிப் குமார், குமார ராஜா செய்தியாளர்களிடம் கூறுகையில்,

எங்களுக்கு இந்து மக்கள் கட்சி, அனுமன் சேனா போன்ற பல்வேறு அமைப்புகள் ஆதரவு தெரிவித்துள்ளன. ராமர் பாலத்தை தேசிய சின்னமாக அறிவிக்க வேண்டும். மத மாற்ற தடை சட்டத்தை அமுல்படுத்த வேண்டும் போன்ற கோரிக்கைகளை வலியுறுத்தி பிரச்சாரத்தில் ஈடுபட உள்ளோம் என்றார்.