2009-10ல் இந்திய ஏற்றுமதி மேலும் குறையும் ஆபத்து!

டெல்லி: 2009 -10 ஆண்டில் இந்திய ஏற்றுமதி வெகுவாகக் குறைந்து விடும் என எப்ஐசிசிஐ (FICCI) அமைப்பின் ஆய்வறிக்கை தெரிவித்துள்ளது.

இந்த அறிக்கைப் படி, 61 சதவிகித ஏற்றுமதியாளர்கள், இந்த ஆண்டும் அடுத்த ஆண்டும் ஏற்றுமதி வெகுவாகக் குறையும் என்றே எதிர்பார்க்கிறார்களாம்.

இந்த ஆய்வில் 125 ஏற்றுமதி நிறுவனங்களிடம் கருத்து கேட்கப்பட்டது. இந்த நிறுவனங்கள் அனைத்துமே கடந்த பிப்ரவரி நிலவரப்படி, தங்கள் ஏற்றுமதி அளவு 12 முதல் 21 சதவிகிதம் வரை குறைந்துவிட்டதாக கூறியுள்ளன.

எஞ்ஜினியரிங் பொருட்கள், நகைகள், கெமிக்கல்ஸ், கடல்சார் பொருட்கள், டயர்கள், தோல் பொருட்களின் ஏற்றுமதி ஏற்கெனவே எதிர்மறையாகிவிட்டதாக இந்த ஆய்வு உறுதிப்படுத்தியுள்ளது.

சமீபத்திய உலக வங்கி அறி்க்கையும் இதை உறுதிப்படுத்தி இருந்தது நினைவிருக்கலாம்.