இந்தியா 9% வளர்ச்சியை எட்ட இயலாது-திட்டக்கமிஷன் உறுப்பினர்

மும்பை: 11வது ஐந்தாண்டு திட்டத்தில் இந்தியா தனது வளர்ச்சி இலக்கை எட்ட முடியாமல் போகக்கூடும் என்று திட்டக்கமிஷன் உறுப்பினர் அருண் மைரா கூறியுள்ளார்.

மும்பையில் இதுபற்றி நிருபர்களிடம் கூறிய அவர், 11வது ஐந்தாண்டு திட்டத்தில் 9 முதல் 10 சதவீதம் என்ற வளர்ச்சி இலக்கை அடைய திட்டமிட்டிருந்தோம். முதலாம் ஆண்டில் (2007-2008) திட்டமிட்டபடி தொடக்கம் அமைந்தாலும், உலக பொருளாதார சீர்குலைவின் பாதிப்பு இரண்டாவது ஆண்டில் தாக்கத்தை ஏற்படுத்தியது.

அத்துடன், 2008-09ம் ஆண்டின் வறட்சியால் வளர்ச்சி மேலும் பாதிக்கும். இந்தாண்டு இறுதிக்குள் திட்டக்கமிஷன் இந்த வளர்ச்சி இலக்கை ஆராய்ந்து மாற்றி அமைக்கும். நம்முடைய பொருளாதாரம் கடினமான காலகட்டத்தை கடந்து கொண்டிருக்கிறது. உலக பொருளாதாரம் நெருக்கடியில் இருந்து மீள்வதற்கு ஓராண்டு காலம் தேவைப்படும் என்றார்.