அத்வானி 83வது பிறந்த நாள் - குடியரசுத் தலைவர், பிரதமர் வாழ்த்து

டெல்லி: லோக்சபா எதிர்க்கட்சித் தலைவர் எல்.கே.அத்வானி இன்று தனது 83வது பிறந்த நாளை அமைதியான முறையில் கொண்டாடினார். அவருக்கு குடியரசுத் தலைவர் பிரதீபா பாட்டீல், பிரதமர் மன்மோகன் சிங் உள்ளிட்ட தலைவர்கள் வாழ்த்து தெரிவித்தனர்.

குடியரசுத் தலைவர் பிரதீபா பாட்டீல், அத்வானிக்கு மலர்ச் செண்டு அனுப்பி வைத்து வாழ்த்து தெரிவித்திருந்தார். பிரதமர் மன்மோகன் சிங், லோக்சபா சபாநாயகர் மீரா குமார் ஆகியோர் தொலைபேசியில் வாழ்த்து தெரிவித்தனர்.

மேலும், பாஜக தலைவர் ராஜ்நாத் சிங், மூத்த தலைவர்கள் வெங்கையா நாயுடு, கல்ராஜ் மிஸ்ரா, ஷானவாஸ் ஹூசேன், அனந்தகுமார், ஸ்மிரிதி ராணி உள்ளிட்டோர் நேரில் வாழ்த்து தெரிவித்தனர்.

அதேபோல இந்திய தேசிய லோக் தளம் கட்சித் தலைவர் ஓம் பிரகாஷ் செளதாலாவும் நேரில் வந்து அத்வானியை வாழ்த்தினார்.