17 ஒரு நாள் போட்டிகளில் இந்தியா வெற்றி - சிறப்பாக முடியும் 2009

டெல்லி: 2009ம் ஆண்டில் இந்தியா அதிக அளவிலான ஒரு நாள் போட்டிகளில் வெற்றி பெற்று, இந்த ஆண்டை வெற்றிகரமாக முடிக்கிறது.

இந்த ஆண்டு இந்தியா மொத்தம் 31 ஒரு நாள் போட்டிகளில் ஆடியது. இதில் 17 போட்டிகளில் வென்றுள்ளது. 10 போட்டிகளில் தோல்வியுற்றது. நான்கு போட்டிகள் முடிவேதும் இல்லாமல் போயின.

இந்தியாவின் வெற்றி சதவீதம் 62.96 ஆகும்.

இது ஒரு நாள் சாதனை. டெஸ்ட் போட்டிகளைப் பொறுத்தவரை நம்பர் ஒன் இடத்தைப் பிடித்ததே இந்த ஆண்டில் இந்திய கிரிக்கெட் அணி நிகழ்த்திய மிகப் பெரிய சாதனை. கிரிக்கெட் வரலாற்றிலேயே இந்த ஆண்டுதான் முதல் முறையாக நம்பர் ஒன் இடத்தை இந்தியா பிடித்தது என்பது குறிப்பிடத்தக்கது.