தமிழ் எம்.பிக்கள் சிவாஜிலிங்கம், ஸ்ரீகாந்தா டெலோவிலிருந்து நீக்கம்

கொழும்பு: தமிழ் தேசிய கூட்டமைப்பு சார்பில் நாடாளுமன்ற உறுப்பினர்களாக திகழ்ந்து வரும் சிவாஜிலிங்கம் மற்றும் ஸ்ரீகாந்தா ஆகிய இருவரும் தமிழீழ விடுதலை இயக்கத்திலிருந்து (டெலோ) நீக்கப்படுவதாக அந்த அமைப்பின் தலைவரான செல்வம் அடைக்கலநாதன் கூறியுள்ளார்.

இதுகுறித்து அடைக்கலநாதன் மற்றும் செயலாளர் பிரசன்னா ஆகியோர் வெளியிட்டுள்ள அறிக்கையில், சிவாஜிலிங்கமும், ஸ்ரீகாந்தாவும் கட்சியின் அனைத்து பதவி நிலைகளில் இருந்தும் நீக்கப்பட்டுள்ளனர்.

கட்சியின் நிலைப்பாட்டிற்கு முரணாக சிவாஜிலிங்கம் ஜனாதிபதித் தேர்தலில் சுயேட்சையாக போட்டியிடத் தீர்மானித்தது தொடர்பாக கட்சித் தலைமை இந்த நடவடிக்கையை எடுத்துள்ளது.

சிவாஜி லிங்கத்திற்கு ஆதரவு வழங்கியதன் காரணமாக ஸ்ரீகாந்தா கட்சியில் இருந்து நீக்கப்படுவதாக அதில் தெரிவிக்கப்பட்டுள்ளது.