மருத்துவமனையில் காங்கிரஸ் தலைவர் கருணாகரன்

திருவனந்தபுரம்: கேரள மாநில முன்னாள் முதல்வரும், பழம்பெறும் காங்கிரஸ் தலைவருமான கருணாகரன் தொற்று காரணமாக மருத்துவமனையில் அனுமதிக்கப்பட்டுள்ளார்.

திருவனந்தபுரத்தில் உள்ள தனியார் மருத்துவமனையில் நேற்று இரவு கருணாகரன் அனுமதிக்கப்பட்டார். அவருக்கு இருதய-நுரையீரல் தொற்று ஏற்பட்டிருப்பதாகவும், உடல் நிலை ஸ்திரமாக இருப்பதாகவும் டாக்டர்கள் கூறியுள்ளனர்.
92 வயதான கருணாகரன், இதயவியல் பிரிவில் தொடர்ந்து தீவிரக் கண்காணிப்பில் வைக்கப்பட்டுள்ளார்.

கடந்த நவம்பர் மாதம் இதே மருத்துவமனையில் காய்ச்சல் மற்றும் மூச்சுத் திணறல் காரணமாக கருணாகரன் அனுமதிக்கப்பட்டிருந்தார் என்பது குறிப்பிடத்தக்கது.