மலேசியா துணிக்கடையில் தீ: 4 இந்தியர்கள் பலி

கோலாலம்பூர்: மலேசியாவில் துணிக்கடை தீ விபத்துக்குள்ளானதில் இந்தியர்கள் 4 பேர் பலியானார்கள்.

மலேசியாவின் தெற்கு பகுதியில் உள்ள ஜோஹர் பாரு மாவட்டத்தில் மசாய் நகரில் உள்ள வர்த்தக கடைகள் கொண்ட கட்டிடத்தில் நேற்று திடீர் தீவிபத்து ஏற்பட்டது.

நேற்று அதிகாலை 3 மணியளவில் ஏற்பட்ட தீ விபத்தில் துணிக்கடை, எழுதுபொருட்கள் விற்பனையகம் உள்ளிட்ட பல்வேறு கடைகள் தீப்பிடித்து எரிந்தன.

இதில் துணிக்கடையில் வேலை செய்துகொண்டிருந்த 2 ஊழியர்கள் மற்றும் அவர்களின் நண்பர்கள் இருவர் என நான்கு பேர் தீயில் சிக்கி உயிரிழந்தனர்.

பலியான நான்கு பேரும் இந்தியாவைச் சேர்ந்தவர்கள் என தெரியவந்துள்ளது. தீ விபத்து ஏற்பட்ட சமயத்தில் அவர்கள் தூங்கிக் கொண்டிருந்ததால் உடனடியாக தப்பிக்க முடியாமல் போனதாக தெரிகிறது.