திருவள்ளூரில் எச்ஐவி பாதித்த குழந்தை பலி

திருவள்ளூர்: திருவள்ளூர் அருகே எச்ஐவியால் பாதிக்கப்பட்ட 9 மாத குழந்தை உயிரிழந்தது.

திருவள்ளூர் மாவட்டம், சோழவரத்தை அடுத்த பண்டிக்காவனூர் கிராமத்தில் ஆனந்த இல்லம் என்ற பெயரில் எய்ட்ஸ் நோயால் பாதிக்கப்பட்ட ஆதரவற்ற குழந்தைகளுக்கான இல்லம் இயங்கி வருகிறது.

இங்கு 8 மாதங்களுக்கு முன்னர் எச்ஐவியால் பாதிக்கப்பட்ட ஒரு மாத குழந்தையை மர்ம நபர்கள் விட்டுச் சென்றனர்.

இதையடுத்து, இக் குழந்தைக்கு மைதிலி எனப் பெயரிட்டு இந்த இல்லத்தைச் சேர்ந்தவர்களே பராமரித்து வந்தனர்.

இந்நிலையில், இக்குழந்தை நேற்று காலை திடீரென உயிரிழந்தது.