ரூ. 50,000 கோடிக்கு ரிலையன்ஸ் பவர்- ஆர்என்ஆர்எல் நிறுவனங்கள் இணைப்பு

டெல்லி: அனில் அம்பானியின் ரிலையன்ஸ் நேச்சுரல் ரிசோர்சஸ் லிமிட்டெட் நிறுவனமும், ரிலையன்ஸ் பவர் நிறுவனமும் இணைக்கப்பட்டுள்ளது. ரூ. 50,000 கோடி ஒப்பந்தத்தில் இந்த இணைப்பு மேற்கொள்ளப்பட்டுள்ளது.

இதன் மூலம் முகேஷ் அம்பானி தலைமையிலான ரிலையன்ஸ் இன்டஸ்ட்ரீஸ் நிறுவனத்துடன் மேற்கொள்லப்பட்ட ஒப்பந்தப்படி கேஜி எரிவாயுவை ரிலையன்ஸ் பவர் பெறும்.

இந்த ஒப்பந்தத்தின் கீழ், ரிலையன்ஸ் பவர் நிறுவன பங்குதாரர்களுக்கு ஆர்என்ஆர்எல் நிறுவனத்தின் நான்கு பங்குகள் தரப்படும்.

அதேபோல ஆர்என்ஆர்எல் பங்குதாரர்கள், புரமோட்டர்கள் ஆகியோருக்கு ரூ. 7150 கோடி மதிப்பிலான ரிலையன்ஸ் பவர் பங்குகள் கிடைக்கும். இதில் புரமோட்டர்களுக்கு மட்டும் ரூ. 3600 கோடி பங்குகள் கிடைக்கும்.

சமீபத்தில்தான் கேஜி காஸ் பெறுவது குறித்து முகேஷ் அம்பானியின் ரிலையன்ஸ் நிறுவனத்துடன் ஆர்என்ஆர்எல் புதிய ஒப்பந்தம் செய்து கொண்டது. இதையடுத்து தற்போது ரிலையன்ஸ் பவர், ஆர்என்ஆர்எல் நிறுவனங்கள் இணைக்கப்பட்டுள்ளன.