கலிபோர்னியாவில் நில நடுக்கம்: கட்டிடங்கள் அதிர்ந்தன

லாஸ் ஏஞ்சல்ஸ்: அமெரிக்காவின் தெற்கு கலிபோர்னியாவில் இன்று நிலநடுக்கம் ஏற்பட்டது.

தெற்கு கலிபோர்னியாவில் உள்ள போரேஜ் ஸ்பிரின்ஸ் நகரம் மற்றும் அதன் சுற்றுப் பகுதிகளில் நிலநடுக்கத்தால் கட்டிடங்கள் அதிர்ந்தன. இதனால் பீதியடைந்த மக்கள் அலறியடித்துக் கொண்டு வீட்டை விட்டு வெளியே ஓடினார்கள்.

தெற்கு கலிபோர்னியா தவிர லாஸ் ஏஞ்சலெஸ், சான்டியாகோ உள்ளிட்ட நகரங்களிலும் நிலநடுக்கம் உணரப்பட்டது. ரிக்டர் அளவுகோலில் 6 புள்ளிகளாக பதிவாகிய இந்த நிலநடுக்கத்தால் சேதம் எதுவும் ஏற்பட்டதாக இதுவரை தகவல் இல்லை.

இந்த நிலநடுக்கம் அதிக சக்தி வாய்ந்ததாக இருந்தது. சுமார் 10 முதல் 15 வினாடிகள் வரை இது நீடித்தது என்று நகர நிர்வாக அதிகாரி மிகுல் கூறினார்.

அதேசமயம், சான்டியாகோ நகரில் 30 விநாடிகள் நிலநடுக்கம் உணரப்பட்டுள்ளதாக அங்கிருந்து வரும் தகவல்கள் கூறுகின்றன.

நிலநடுக்கத்தைத் தொடர்ந்து 3 முறை நில அதிர்ச்சியும் ஏற்பட்டது.