அமெரிக்காவில் பயங்கர தீவிபத்து-பல வீடுகள் நாசம்

சான் ப்ரூனோ: அமெரிக்காவின் கலிபோர்னியா மாகாணத்தில் ஏற்பட்ட பயங்கர தீவிபத்தில் ஏராளமான வீடுகள் சேதமடைந்தன.

சான்பிரான்சிஸ்கோவின் தெற்கில் உள்ள சான்ப்ரூனோ நகரின் மலைப் பகுதியில் இந்த தீவிபத்து ஏற்பட்டுள்ளது. விமான நிலையத்திற்கு அருகில் உள்ள பகுதியில் தீவிபத்து ஏற்பட்டதால் விமானம் ஏதேனும் விழுந்து தீப்பிடித்து எரிந்திருக்கலாம் என முதலில் சந்தேகிக்கப்பட்டது.ஆனால் விமான விபத்து ஏதும் நடைபெறவில்லை என்று சான்பிரான்சிஸ்கோ விமான நிலைய அதிகாரிகள் தெரிவித்துள்ளனர்.

அதேசமயம் இயற்கை எரிவாயு குழாய்களில் ஏற்பட்ட வெடிவிபத்தால் தீவிபத்து ஏற்பட்டிருக்கலாம் என சந்தேகிக்கப்பட்டது. ஆனால் அதுவும் இல்லை என பின்னர் தெரிவிக்கப்பட்டது.

இந்த தீவிபத்தில் 12க்கும் மேற்பட்ட வீடுகள் சேதமடைந்துள்லன. கிட்டத்தட்ட 60 அடி உயரத்திற்கு தீ கொளுந்து விட்டு எரிகிறது. ஹெலிகாப்டர்கள் மற்றும் விமானங்கள் மூலம் தீயை அணைக்க நடவடிக்கை எடுக்கப்பட்டது.