இன்போசிஸ் பிபிஓ-போலந்து ஊழியர் எண்ணிக்கை இரட்டிப்பாகிறது

டெல்லி: இன்போசிஸ் பிபிஓ நிறுவனம் அடுத்த ஒரு ஆண்டில் போலந்து நாட்டில் தனது ஊழியர் எண்ணிக்கையை 1500 ஆக உயர்த்தவுள்ளது.

இதுகுறித்து இன்போசிஸ் பிபிஓவின் நிர்வாக இயக்குநர் தண்டபாணி சுவாமிநாதன் கூறுகையில், தற்போது போலந்தில் 950 பிபிஓ பணியாளர்கள் உள்ளனர். இதை அடுத்த 12 மாதங்களில் 1500 ஆக உயர்த்தத் திட்டமிட்டுள்ளோம்.

மேலும் போலந்துக்கான முதலீடுகளையும் அடுத்த 2 ஆண்டுகளில் இரட்டிப்பாக்கவுள்ளோம். இதன் மூலம் அங்கு எங்களது முதலீடு 10 மில்லியன் டாலராக உயரும் என்றார்.