இந்தியாவுடன் முக்கியப் பேச்சு நடத்த வருகிறார் ஹில்லாரி

Published: Thursday, January 20, 2011, 15:25 [IST]

Subscribe to Oneindia Tamil

வாஷிங்டன்: இந்தியாவுடன் முக்கியப் பேச்சுவார்த்தை நடத்த அமெரிக்க வெளியுறவு அமைச்சர் ஹில்லாரி கிளிண்டன், வருகிற ஏப்ரல் மாதம் டெல்லி வரவுள்ளார்.

இதுகுறித்து ஹூஸ்டனில் உள்ள ரைஸ் பல்கலைக்கழகத்தில் நடந்த நிகழ்ச்சி ஒன்றில் கலந்து கொண்ட தெற்கு மற்றும் மத்திய ஆசியாவுக்கான அமெரிக்க வெளியுறவுத்துறை இணை அமைச்சர் ராபர்ட் பிளேக் கூறுகையில், ஹில்லாரி மற்றும் சில அமைச்சர்கள் அடங்கிய குழு இந்தியா செல்லவுள்ளது. அமெரிக்கா, இந்தியா இடையிலான உறவுகள் குறித்த முக்கியப் பேச்சுவார்த்தை இந்த சந்திப்பின்போது இடம் பெறும்.

பயணம் எப்போது என்பது இன்னும் இறுதியாகவில்லை. இருப்பினும் ஏப்ரல் மாதத்தில் இது இடம் பெறலாம் என்றார் பிளேக்.

ஹில்லாரி கிளிண்டன், வெளியுறவு அமைச்சரான பின்னர் இந்தியா வருவது இது 2வது முறையாகும். கடந்த 2009ம் ஆண்டு அவர் முதல் முறையாக இந்தியா வந்திருந்தார் என்பது நினைவிருக்கலாம்.

Published On January 20, 2011