டெல்லியில் தினமும் 30 செல்போன்கள் திருட்டு: ஜனவரியில் மட்டும் 966 போன்கள் அபேஸ்

டெல்லி: தலைநகர் டெல்லியில் தினமும் குறைந்தது 30 செல்போனாவது திருடப்படுகிறதாம்.

இந்த மாதம் மட்டும் டெல்லியின் பல்வேறு பகுதிகளில் இருந்து 966 செல்போன்கள் திருடப்பட்டுள்ளன. இதில் வட கிழக்கு டெல்லியில் 368 செல்போன்களும், மத்திய டெல்லியில் 166 செல்போன்களும் திருடப்பட்டதாக வழக்குகள் பதிவாகியுள்ளன.

கடந்த ஆண்டு மட்டும் தலைநகரில் 10,484 செல்போன்கள் திருடு போயின.

போலீசார் கணக்குபடி 2011ல் இது வரை வட டெல்லியில் 133 செல்போன் திருட்டு வழக்குகளும், தென் கிழக்கு டெல்லியில் 102 வழக்குகளும் பதிவாகியுள்ளன.

இது குறித்து மூத்த போலீஸ் அதிகாரி ஒருவர் கூறியதாவது,

புது டெல்லியில் 64 வழக்குகளும், தெற்கு டெல்லியில் 43-ம், வெளியில் 32 வழக்குகளும் பதிவாகியுள்ளன.

புது டெல்லியில் பதிவாகியுள்ள 64 வழக்குகளில் 31 பாராளுமன்ற வீதி காவல் நிலையத்திலும், 21 திலக் மார்கிலும், 12 பாரகாம்பா சாலையிலும் பதிவு செய்யப்பட்டுள்ளன என்றார்.

English summary

Atleast 30 cellphones are stolen in the capital everyday. 966 cellphones have been stolen in Delhi in this month alone. In the last year 10,484 cellphone theft cases had been registered.