கேரள முதல்வர் மருத்துவமனையில் அனுமதி: அரசாங்க அலுவல்கள் ரத்து

திருவனந்தபுரம்: கேரள முதல்வர் உம்மன் சாண்டிக்கு காய்ச்சல் ஏற்பட்டதையடுத்து திருவனந்தபுரம் அரசு மருத்துவமனையில் அனுமதிக்கப்பட்டார்.

கேரள முதல்வர் உம்மன் சாண்டி காய்ச்சல் காரணமாக கடந்த 7-ம் தேதி இரவு 11 மணி அளவில் திருவனந்தபுரம் மருத்துவக் கல்லூரி மருத்துவமனைக்கு கொண்டு வரப்பட்டார். தொடர்ந்து மருத்துவர்களில் கண்காணிப்பில் இருந்தார். ஆனால் சட்டசபை பணிகள் காரணமாக 8-ம் தேதி காலை 8 மணிக்கு டிஸ்சார்ஜ் ஆனார்.

ஆனால் 2 மணி நேரம் கழித்து 10 மணி அளவில் மீண்டும் மருத்துவக் கல்லூரி மருத்துவமனையில் உள்ள விஐபில் அறையில் அனுமதிக்கப்பட்டார். அவர் குறைந்தது 3 முதல் 4 நாட்களுக்கு முழுமையாக ஓய்வு எடுக்க வேண்டும் என்று மருத்துவர்கள் அறிவுறுத்தினர்.

இதையடுத்து இன்று(10-ம் தேதி) வரை உள்ள அனைத்து அலுவல்களும் ரத்து செய்யப்பட்டன. அவர் மருத்துவமனையில் ஓய்வு எடுத்து வருகிறார்.

English summary

Kerala CM Oomman Chandy has been hospitalised since friday for fever and chest infection. All his appointments till today have been cancelled as doctors advised him to take complete rest for atleast 3 to 4 days.