ஜெயலலிதா டெல்லி பயணம்- சங்மாவுக்கான 'லாபியில்' வெல்வாரா?!

சென்னை: குடியரசுத் தலைவர் தேர்தலில் சங்மாவை முன்னிறுத்தி தேசிய அரசியலில் பரபரப்பை ஏற்படுத்தியிருக்கும் தமிழக முதல்வர் ஜெயலலிதா ஜூன் 4-ந் தேதி டெல்லி செல்ல திட்டமிட்டுள்ளார்.

குடியரசுத் தலைவர் தேர்தலில் பிரதான கட்சிகளாக காங்கிரஸும் பாரதிய ஜனதா கட்சியும் இன்னமும் வேட்பாளர்களை முடிவு செய்யவில்லை. ஆனால் காங்கிரஸுக்கு எதிரான வேட்பாளராக மக்களவை முன்னாள் சபாநாயகர் சங்மாவை ஜெயலலிதாவும் ஒடிசா முதல்வர் நவீன் பட்நாயக்கும் முன்னிறுத்துகின்றனர். சங்மாவையே எதிர்க்கட்சிகளின் வேட்பாளராக நிறுத்தவும் இருவரும் தீவிர லாபியில் ஈடுபட்டு வருகின்றனர்.

இந்நிலையில் தமிழக திட்டங்களுக்கான நிதி தொடர்பாக விவாதிக்க வரும் 4-ந் தேதி ஜெயலலிதா டெல்லி செல்கிறார். திட்டக் குழுத் துணைத் தலைவர் மாண்டேக்சிங் அலுவாலியாவை சந்தித்து தமிழக திட்டங்களுக்கான நித் ஒதுக்கீட்டை கோர உள்ளார்.

அதே நேரத்தில் டெல்லியில் முகாமிட்டு சங்மாவுக்கான லாபியில் தீவிரம்காட்டுவார் என்றும் தெரிகிறது. இது தொடர்பாக பல்வேறு கட்சியினரை குறிப்பாக பாஜக தலைவர்களை நேரில் சந்தித்து ஆதரவு திரட்டுவார் என்று கூறப்படுகிறது.

தற்போதைய சூழலில் ஜெயலலிதாவின் டெல்லி பயணம் தேசிய அரசியலில் முக்கியத்துவம் வாய்ந்ததாக இருக்கும் என்று எதிர்பார்க்கப்படுகிறது.

English summary

Tamil Nadu Chief Minister Jayalalitha will visit Delhi on Julne 4. She will meet political leaders and gathering support to Presidential poll candidate P.A Sangma.