சீன விமானத்தை கடத்த முயன்ற 2 கடத்தல்காரர்களை அடித்து கொன்ற பயணிகள்!

பெய்ஜிங்: சீனாவில் விமானத்தைக் கடத்த முயன்றபோது பயணிகளின் தாக்குதலுக்குள்ளான கடத்தல்காரர்கள் இருவர் உயிரிழந்துள்ளனர்.

சீனாவில் கடந்த மாதம் 29 சின்ஜியாங் மாகாணத்தில் ஹோட்டன் என்ற இடத்திலிருந்து விமானம் புறப்பட்டுச் சென்றது. விமானம் புறப்பட்ட சில நிமிடங்களில் பயணிகளாக உட்கார்ந்திருந்த 6 பேர் விமானத்தைக் கடத்துவதாக அறிவித்தனர்.

இதையடுத்து கடத்தல்காரர்களுடன் விமானத்தில் இருந்த போலீசார், பயணிகள் கடுமையான சண்டையிட்டனர். பின்னர் ஒருவழியாக கடத்தல்காரர்களைக் கட்டிப் போட்டு கடத்தல் முயற்சியை முறியடித்தனர்.

இதை சீன அரசும் அதிகாரப்பூர்வமாக அறிவித்திருந்தது. இந்த சம்பவத்தில் கடத்தல்காரர்கள் இருவர் படுகாயமடைந்த நிலையில் மருத்துவமனையில் அனுமதிக்கப்பட்டிருந்தனர். இருப்பினும் இருவரும் சிகிச்சை பலன்றி உயிரிழந்துவிட்டனர்.

English summary

Two men who allegedly tried to hijack a plane in China were beaten to death by passengers and crew, state media said.