ஹோர்முஸ் ஜலசந்தியை மூடுகிறது ஈரான் - பெர்சியன் வளைகுடாவில் கூடுதல் படைகளைக் குவித்தது அமெரிக்கா

டெஹ்ரான்: ஆசிய மற்றும் ஐரோப்பிய நாடுகளுக்கான எண்ணெய் கப்பல்கள் செல்லக் கூடிய ஹோர்முஸ் ஜலசந்தியை ஈரான் மூடினால் அதை முறியடிக்க கூடுதல் படைகளை அமெரிக்கா பெர்சியன் வளைகுடா பகுதியில் குவித்து வருகிறது.

அணு ஆயுதங்களை ஈரான் தயாரிக்கிறது என்பது அமெரிக்கா மற்றும் ஐரோப்பிய நாடுகளின் புகார். இதற்கான அந்த நாட்டின் மீது பொருளாதாரத் தடையும் விதிக்கப்பட்டுள்ளது. இந்தப் பொருளாதாரத் தடையை அமெரிக்காவின் நட்பு நாடுகள் பலவும் பின்பற்றத் தொடங்கியுள்ளன. இருப்பினும் ஈரான் மீது போர் தொடுத்தே ஆக வேண்டும் என்று நீண்டகாலமாக அமெரிக்காவை இஸ்ரேல் வலியுறுத்தி வருகிறது.

இதனையடுத்து ஆசிய, ஐரோப்பிய நாடுகளுக்கான எண்ணெய் கப்பல்கள் செல்லக் கூடிய ஹோர்முஸ் ஜலசந்தியை மூட வலியுறுத்தி ஈரான் நாடாளுமன்றத்தில் கொண்டுவரப்பட்ட சட்டத்துக்கு 100க்கும் மேற்பட்ட எம்.பிக்கள் ஆதரவு தெரிவித்துள்ளனர்.

இதே நேரத்தில் இன்று இஸ்ரேலை இலக்கு வைத்து தாக்கக் கூடிய ஏவுகணை சோதனையை ஈரான் நடத்தியது. அமெரிக்காவும் ஹோர்முஸ் ஜலசந்தியில் எண்ணெய் கப்பல்களை ஈரான் வழிமறித்தால் அதை முறியடிக்கும் வகையில் பெர்சியன் வளைகுடா பகுதியில் கூடுதல் படைகளை அமெரிக்கா இறக்கத் தொடங்கியுள்ளது. இதனால் பெர்சியன் வளைகுடா பிராந்தியத்தில் போர் பதற்றம் அதிகரித்துள்ளது.

English summary

The United States has quietly moved significant military reinforcements into the Persian Gulf to deter the Iranian military from any possible attempt to shut the Strait of Hormuz and to increase the number of fighter jets capable of striking deep into Iran if the standoff over its nuclear program escalates.