இளவரசர் வில்லியம்- கேட் மிடில்டனின் தேனிலவுப் படங்களை 'லீக்' செய்த ஆஸி. பத்திரிக்கை!

இங்கிலாந்து இளவரசர் வில்லியம் மற்றும் அவரது மனைவி கேட் மிடில்டனின் தேனிலவுப் புகைப்படங்களை ஒரு ஆஸ்திரேலிய பத்திரிக்கை வெளியிட்டு பரபரப்பை ஏற்படுத்தியுள்ளது. வில்லியமும், கேட்டும் படு நெருக்கமாக இருக்கும் படங்களை அது வெளியிட்டுள்ளதால் சர்ச்சையும் வெடித்துள்ளது.

கடந்த ஆண்டு செஷல்ஸ் தீவுக்கு 10 நாள் தேனிலவுப் பயணம் மேற்கொண்டனர் வில்லியமும், கேட்டும். அப்போது ரகசியமாக எடுக்கப்பட்ட புகைப்படங்களைத்தான் இப்போது வெளியிட்டுள்ளது ஆஸ்திரேலியாவின் உமன்ஸ் டே பத்திரிக்கை.

அப்பத்திரிக்கையின் ஜூலை 16 இதழில் இந்தப்படங்கள் இடம் பெற்றுள்ளன. அட்டைப் படத்திலேயே அதைப் போட்டு விட்டனர். கடற்கரையில் வில்லியமும், கேட்டும் கைகளைக் கோர்த்தபடி நெருக்கமாக நடப்பது போன்ற படம் அட்டைப் படத்தில் இடம் பெற்றுள்ளது.

அதில், கருப்பு நிற பிகினி உடையில் கேட் மிடில்டன் படு கவர்ச்சிகரமாக காணப்படுகிறார். அவரது வயிற்றுப் பகுதி ரொம்பத் தெளிவாகத் தெரிகிறது. வில்லியம் ஷார்ட்ஸில் இருக்கிறார். அதுபோக உள்ளே மேலும் 15 படங்களைப் போட்டுள்ளனர்.

இந்தப் படங்களை எடுத்தது யார் என்று தெரியவில்லை. மிக தூரத்தில் இருந்தபடி சக்தி வாய்ந்த லென்ஸைப் பயன்படுத்தி இப்படங்களை அவர் எடுத்திருப்பதாக தெரிகிறது.

தலா 30 வயதாகும் வில்லியமும், கேட்டும் கடந்த ஆண்டு ஏப்ரல் 29ம் தேதி திருமணம் செய்து கொண்டனர் என்பது நினைவிருக்கலாம்.

இந்தப் படங்களால் வில்லியமும், கேட்டும் அப்செட் ஆகியுள்ளனராம். அதேசமயம், இங்கிலாந்து ராஜ குடும்பம் கடும் கோபமடைந்துள்ளதாம்.

English summary

Intimate pictures of Prince William and Kate Middleton on their honeymoon have been made public by an Australian magazine, causing an outrage in the British royal family. When the Duke and Duchess of Cambridge jetted off on their 10-day romantic break to the Seychelles last year, there was an unofficial agreement among news organisations that they wouldn't print or publish photos of them on their holiday.