அர்ஜுன் 'ஒருநாள் முதல்வரானது' மாதிரி முதல்வராக நினைக்கும் விஜயகாந்த்: அழகிரி தாக்கு

By Chakra

Published: Saturday, August 4, 2012, 13:28 [IST]

Subscribe to Oneindia Tamil

திண்டுக்கல்: அரசியலையும் சினிமா போல் நினைக்கும் விஜய்காந்த் சினிமாவில் நடிகர் அர்ஜூன் ஒரு நாள் முதல்வரானதைப் போல தானும் முதல்ராகிவிடலாம் என்று நினைக்கிறார் என்று மத்திய உரத்துறை அமைச்சர் மு.க. அழகிரி கூறினார்.

திண்டுக்கல் மாவட்டம் சாணார்பட்டி அருகே உள்ள சில்வார்பட்டியில், மறைந்த முன்னாள் அமைச்சர் ஓ.பி.ராமன் படத் திறப்பு விழாவில் கலந்து கொண்டு படத்தை திறந்து வைத்த அழகிரி அளித்த பேட்டி:

கேள்வி: மதுரையில் கிரானைட் குவாரிகளில் நடத்தப்படும் சோதனைகள் குறித்து என்ன சொல்கிறீர்கள்.

அழகிரி: இது, அந்த துறை அமைச்சரிடம் கேட்க வேண்டிய கேள்வி.

கேள்வி: திண்டுக்கல்லில் நடந்த தேிமுதிக பொதுக் கூட்டத்தில் பேசிய விஜயகாந்த், தன்னை அடுத்த முதல்வர் என்று கூறியிருப்பதும், தேமுதிகவால் தான் அதிமுக வெற்றி பெற்று ஆட்சிக்கு வந்தது என்றும் கூறியிருப்பது பற்றி...

அழகிரி: அவர் எப்போதும், தாமதமாகதான் புரிந்து கொள்கிறார். அரசியலையும் சினிமா போல் நினைக்கிறார். சினிமாவில் நடிகர் அர்ஜூன் ஒரு நாள் முதல்வராக வந்ததை போல் அவரும் முதல்ராகிவிடலாம் என்று நினைக்கிறார்.

கேள்வி: டெசோ மாநாடு பிரபாகரன் உயிரோடு இருக்கும் போது நடத்தப்பட வேண்டியது என விஜயகாந்த் கூறியிருக்கிறாரே?

அழகிரி: இந்த கருத்தை அவர் அப்போதே கூறியிருக்கலாமே என்றார்.

Published On August 4, 2012