5 ஆண்டுகளில் 58 ராக்கெட்டுகளை அனுப்ப இஸ்ரோ திட்டம்: ராதாகிருஷ்ணன் தகவல்

பெங்களூர்: செயற்கைக்கோள்கள் மற்றும் செலுத்து வாகனங்கள் என 58 ராக்கெட்டுகளை அடுத்த 5 ஆண்டுகளில் விண்வெளிக்கு அனுப்ப இந்திய விண்வெளி ஆராய்ச்சி மையம் திட்டமிட்டுள்ளது.

இது தொடர்பாக இஸ்ரோ தலைவர் ராதாகிருஷ்ணன் கூறியுள்ளதாவது:

இஸ்ரோ சார்பில் 8, 9, மற்றும் 10-வது ஐந்தாண்டு திட்ட காலங்களில் தலா 10 முதல் 13 ராக்கெட்டுகளும், 11-வது ஐந்தாண்டு திட்ட காலத்தில் 29 ராக்கெட்டுகளும் விண்வெளிக்கு அனுப்பப்பட்டன.

நடப்பு 12-வது திட்ட காலத்தில் மொத்தம் 58 ராக்கெட்டுகளை விண்வெளிக்கு அனுப்ப திட்டமிடப்பட்டுள்ளது. இது கடந்த ஐந்தாண்டு திட்ட காலத்தில் அனுப்பப்பட்டதைப் போல 2 மடங்கு அதிகமாகும். இதில் 33 செயற்கைக்கோள்களும், 25 செலுத்து வாகனங்களும் அடங்கும். இவற்றில் 25 திட்டங்கள் அடுத்த 2 ஆண்டுகளில் செயல்படுத்தப்படும்.

உதிரி பாகங்கள் சப்ளை மற்றும் கட்டுமானம் உள்பட இஸ்ரோ திட்டப் பணிகளில் அவுட்சோர்சிங் பணி இப்போது 50 முதல் 60 விழுக்காடாக உள்ளது என்றார் அவர்.

English summary

India's premier space agency ISRO plans to undertake 58 satellite and launch vehicle missions in the 12th Five year period and sees larger role for industries in realising these ventures. Indian Space Research Organisation (ISRO) Chairman K Radhakrishnan said India had done 10-13 missions in each of the 8th, 9th and 10th plan period, and completed 29 in the 11th five-year Plan period 2007-12. "So, that was a quantum jump. During 2012-17, we are planning about 60 missions," Radhakrishnan, also Secretary in the Department of Space and Space Commission Chairman, said here.