டீசல் விலை உயர்வை நாங்க ஆதரிக்கலையே...: காங்கிரஸ் காமெடி

By Mathi

Published: Friday, September 14, 2012, 8:30 [IST]

Subscribe to Oneindia Tamil

டெல்லி: காங்கிரஸ் தலைமையிலான மத்திய அரசு உயர்த்தியுள்ள டீசல் விலை உயர்வை காங்கிரஸ் கட்சி ஆதரிக்கவில்லை என்று கூறியுள்ளது.

இது தொடர்பாக காங்கிரஸ் கட்சியின் மூத்த தலைவர் திக்விஜய்சிங் கூறியுள்ளதாவது:

டீசல் விலை உயர்த்தப்பட்டதை நாங்கள் ஆதரிக்கவில்லை. இந்த விலை உயர்வு, விவசாயிகளையும், சாதாரண மக்களையும் பாதிக்கிறது. கூட்டணி கட்சிகள் அனைத்தையும் கலந்து ஆலோசித்துதான் மத்திய அரசு முடிவு எடுக்க வேண்டி உள்ளது. இதுபற்றி ஐக்கிய முற்போக்கு கூட்டணியின் ஒருங்கிணைப்பு குழு கூட்டத்தில் விவாதிக்க வேண்டும். சாதாரண மக்களுக்கு பலனளிக்கும் எத்தனையோ முடிவுகளை மத்திய அரசு எடுத்துள்ளது. இருப்பினும், சில நேரங்களில், நாட்டுக்கு எது நல்லது என்று பார்த்து மகிழ்ச்சி அளிக்காத முடிவுகளையும் எடுக்க வேண்டி உள்ளது என்றார் அவர்.

Published On September 14, 2012