மமதாவுக்கு பதிலடி: மே.வங்க கூட்டணி அரசிலிருந்து இன்று காங்கிரஸ் விலகுகிறது
கொல்கத்தா: காங்கிரஸ் தலைமையிலான ஐக்கிய முற்போக்குக் கூட்டணி அரசுக்கான ஆதரவை திரிணாமுல் காங்கிரஸ் திரும்பப் பெற்றதற்கு பதிலடியாக மேற்கு வங்க கூட்டணி அரசிலிருந்து காங்கிரஸ் இன்று விலகுகிறது.
மேற்குவங்கத்தில் மமதா பானர்ஜி தலைமையிலான திரிணாமுல் காங்கிரஸ் அரசில் காங்கிரஸ் கட்சியும் இடம்பெற்றுள்ளது. காங்கிரஸ் கட்சி சார்பில் 6 பேர் அமைச்சர்களாகவும் இருக்கின்றனர்.
மத்திய அரசின் டீசல் விலை உயர்வு, சில்லரை வர்த்தகத்தில் அன்னிய முதலீட்டுக்கு அனுமதி ஆகியவற்றுக்கு எதிர்ப்புத் தெரிவித்து திர்ணாமுல் காங்கிரஸ் மத்திய அமைச்சரவையிலிருந்து விலகியது. திரிணாமுல் காங்கிரஸ் கட்சியின் 6 அமைச்சர்களும் தங்களது பதவிகளை நேற்று ராஜினாமா செய்தனர். மேலும் மத்திய அரசுக்கான ஆதரவையும் திரிணாமுல் காங்கிரஸ் நேற்று விலக்கிக் கொண்டது.
இதற்குப் பதிலடி கொடுக்கும் வகையில் மேற்குவங்கத்தில் மமதா பானர்ஜி தலைமையிலான திரிணாமுல் காங்கிரஸ் அரசிலிருந்து காங்கிரஸ் இன்று விலகுகிறது. காங்கிரஸ் சார்பில் அமைச்சரவையில் இடம்பெற்றுள்ள 6 அமைச்சர்களும் இன்ற் தங்களது ராஜினாமா கடிதங்களை ஆளுநர் எம்.கே. நாராயணனிடம் ஒப்படைக்க உள்ளனர்.
காங்கிரஸ் கட்சி விலகினாலும் திரிணாமுல் காங்கிரஸ் அரசுக்கு எந்த ஒரு ஆபத்தும் இல்லை. அம்மாநிலத்தில் பெரும்பான்மைக்கு போதுமான இடங்களை திரிணாமுல் காங்கிரஸ் கட்சி பெற்றிருக்கிறது என்பது குறிப்பிடத்தக்கது.
Click it and Unblock the Notifications
Sign in with Google