கேன்சர்: வெனிசுலா அதிபருக்கு 4வது முறையாக கியூபாவில் நடந்த ஆபரேஷன்

சுராகஸ்: குடல் புற்றுநோயால் அவதிப்பட்ட வெனிசுலா அதிபர் ஹுகோ சவேஸுக்கு வெற்றிகரமாக அறுவை சிகிச்சை செய்யப்பட்டுள்ளது என்று அந்நாட்டின் துணை அதிபர் நிக்கோலஸ் மடுரோ தெரிவித்துள்ளார்.

வெனிசுலா அதிபராக இருப்பவர் ஹுகோ சவேஸ். அவர் 4 முறை வெனிசுலா அதிபராக தேர்ந்தெடுக்கப்பட்டவர். அவருக்கு குடல் புற்றுநோய் இருப்பது கடந்த 2011ம் ஆண்டு கண்டறியப்பட்டது. இதையடுத்து அதே ஆண்டில் ஜூன் 10ம் தேதி கியூபாவில் அவருக்கு அறுவை சிகிச்சை செய்யப்பட்டது. ஆனால் அதன் பிறகும் அவருக்கு மீண்டும் புற்றுநோய் தாக்கம் ஏற்பட்டதால் நேற்று மீண்டும் கியூபாவில் அவருக்கு அறுவை சிகிச்சை செய்யப்பட்டது.

சுமார் 6 மணிநேரம் நடந்த அறுவை சிகிச்சை வெற்றிகரமாக முடிந்தததாகவும், சவேஸ் தற்போது நலமாக உள்ளார் என்றும் வெனிசுலா துணை அதிபர் நிக்கோலஸ் மடுரோ தெரிவித்துள்ளார். சவேஸுக்காக பிரார்த்தனை செய்த அனைவருக்கும் நன்றியைத் தெரிவித்துக் கொள்கிறோம் என்று அவர் மேலும் தெரிவித்துள்ளார்.

கடந்த 2011ம் ஆண்டு ஜூன் மாதத்தில் இருந்து இதுவரை சவேஸுக்கு புற்று நோய்க்காக நான்கு முறை அறுவை சிகிச்சை செய்யப்பட்டுள்ளது என்பது குறிப்பிடத்தக்கது.

English summary

Venezuela president underwent successful surgery for cancer on tuesday in Cuba.