டெல்லி: ஜந்தர் மந்தரில் தடுப்புகளை உடைக்க முயற்சித்த 5 போராட்டக்காரர்கள் கைது

By Mathi

Updated: Sunday, December 30, 2012, 18:27 [IST]

Subscribe to Oneindia Tamil

டெல்லி: பாலியல் பலாத்கார சம்பவங்களில் ஈடுபடு குற்றவாளிகளுக்கு கடும் தண்டனை அளிக்ககும் சட்டத்தை இயற்ற வலியுறுத்தி டெல்லி ஜந்தர் மந்தரில் நடைபெற்ற போராட்டம் வன்முறையாகவும் மாறியது.

ஜந்தர் மந்தரில் காலை முதல் நூற்றுக்கணக்கானோர் ஒன்று திரண்டு பாலியல் பலாத்கார குற்றவாளிகளைக் கடுமையாக தண்டிக்க வலியுறுத்தி வருகின்றனர். இந்தப் போராட்டம் காலை முதல் அமைதியாக நடைபெற்று வந்தது.

பின்னர் பிற்பகல் 1.40 மணியளவில், போராட்டக்காரர்கள் சிலர் போலீசார் மீது கற்களை வீசி தடுப்புகளை உடைக்க முயற்சித்தனர். ஆனால் அங்கு குவிக்கப்பட்டிருந்த அதிரடிப்படையினர் இதை தடுத்து நிறுத்தினர். மேலும் தடுப்புகளை உடைக்க முயற்சித்ததாக 5 போராட்டக்காரர்களையும் கைது செய்தனர்.