கோணலா இருந்தாலும் என்னுடையதாக்கும்... டெய்லர் ஸ்விப்ட் அதிரடி

லண்டன்: இப்படிப்பட்ட ஆண்தான் என்றில்லை.எப்படிப்பட்ட ஆணாக இருந்தாலும் என்னைக் கவரவே செய்கிறார்கள். எதைப் பார்த்து நான் ஈர்க்கப்படுகிறேன் என்று எனக்குத் தெரியவில்லை. எப்படிப்பட்ட ஆணாக இருந்தாலும் எனக்குக் கவலை இல்லை என்று வெளிப்படையாக கூறியுள்ளார் இங்கிலாந்தைச் சேர்ந்த பாடகி டெய்லர் ஸ்விப்ட்.

பாடகி ஸ்விப்ட் டேட்டிங்குக்குப் பெயர் போனவர். இவர் டேட்டிங் போகாத பிரபலமே இல்லை என்று கூறும் அளவுக்கு டேட்டிங்கில் படு பிசியாக இருப்பவர்.

சரி இப்படி ஆண்களுடனேயே எப்போதும் சுற்றிக் கொண்டிருக்கிறீர்களே, ஆண்களிடம் அப்படி என்னதான் உங்களுக்குப் பிடித்திருக்கிறது என்று கேட்டால் அதற்கு சிரிப்பையே பதிலாக தருகிறார் ஸ்விப்ட். மேலும், இதுகுறித்து அவர் கூறுகையில், தனிப்பட்ட எந்தக் காரணத்தையும் என்னால் கூற இயலாது. தனிப்பட்ட காரணம் என்று எதையும் சொல்லவும் முடியவில்லை.

ஆண்களிடம் எது என்னைக் கவருகிறது என்பதையும் அறிய முடியவில்லை. எத்தகைய ஆணாக இருந்தாலும் நான் கவலைப்படுவதில்லை. அவரிடம் என்ன பிடித்திருக்கிறது என்று பார்ப்பதில்லை. அவர் ஆணா என்பதை மட்டுமே நான் பார்க்கிறேன். மற்றவர்கள் என்ன நினைப்பார்கள் என்பது குறித்து நான் கவலைப்படுவதில்லை.

எனக்குப் பிடித்த ஆண்களுடன் நான் டேட்டிங் போவது எனது உரிமை. அதை நான் சரியாக செய்து வருகிறேன் என்றார் ஸ்விப்ட்.

English summary

Singer Taylor Swift says she does not have a specific type of man to date. Swift, 23, who has dated a host of celebrities including Jake Gyllenhaal, Joe Jonas, Harry Styles and John Mayer, says she does not know what attracts her to certain men, reported Showbiz spy.