மாமியாருடன் பேசிக்கொண்டிருந்த பெண்ணிடம் 7 பவுன் தங்கச் சங்கிலி பறிப்பு

காரைக்குடி: காரைக்குடியில் வீட்டில் உட்கார்ந்து மாமியாருடன் பேசிக் கொண்டிருந்த பெண்ணின் கழுத்தில் அணிந்திருந்த 7 பவுன் சங்கிலியைப் பறித்துக் கொண்டு முகமூடிக் கொள்ளையன் ஓடி விட்டான். அவனைப் போலீஸார் தீவிரமாக தேடி வருகின்றனர்.

காரைக்குடி பாலாஜி கார்டன் பகுதியை சேர்ந்தவர் மகாதேவன் தொழிலதிபர். இவரது மனைவி விஜயதர்சினி. நேற்று இரவு 8 மணி அளவில் வீட்டில் விஜயதர்சினி தனது மாமியார் அம்சவல்லியுடன் பேசி கொண்டு இருந்தார்.

அப்போது 25 வயது மதிக்கத்தக்க வாலிபர் ஒருவர் முகமூடி அணிந்து வீட்டுக்குள் புகுந்தான். பின்னர் அவன் கத்தியை காட்டி மிரட்டி விஜயதர்சினி கழுத்தில் கிடந்த 7 பவுன் தங்க சங்கிலியை பறித்து விட்டு ஓடிவிட்டான்.

உடனே விஜயதர்சினி திருடன், திருடன் என கூச்சல் போட்டார். அதற்குள் அந்த ஆசாமி மின்னல் வேகத்தில் ஒடி மறைந்து விட்டான். இதுகுறித்து போலீஸார் விசாரணை நடத்தி வருகின்றனர்.

English summary

A masked man entered into a house and looted 7 sovereign gold chain from a lady, who was sitting in the house.