ஐன்ஸ்டீன், பில் கேட்ஸை விட அதிக ஐ.க்யூ. உள்ள 12 வயது இந்திய சிறுமி நேஹா ராமு

By Siva

Published: Wednesday, March 6, 2013, 18:19 [IST]

Subscribe to Oneindia Tamil

லண்டன்: இங்கிலாந்தில் வாழும் இந்திய சிறுமியான நேஹா ராமு(12) விஞ்ஞானி ஆல்பர்ட் ஐன்ஸ்டீன், பில் கேட்ஸ் ஆகியோரை விட அதிக நுண்ணறிவு(ஐ.க்யூ) உள்ளவராக இருக்கிறார்.

இங்கிலாந்தில் வாழும் இந்தியாவைச் சேர்ந்த டாக்டர் தம்பதியின் மகள் நேஹா ராமு(12). அவர் மென்சா நுண்ணறிவு(ஐ.க்யூ) தேர்வு எழுதினார். அதில் அவர் 162 மதிப்பெண்கள் எடுத்துள்ளார். விஞ்ஞானி ஆல்பர்ட் ஐன்ஸ்டீன், இயற்பியலாளர் ஸ்டீபன் ஹாக்கிங் மற்றும் மைக்ரோசாப்ட் நிறுவனர் பில் கேட்ஸ் ஆகியோரின் ஐ.க்யூ. 160 தான்.

அப்படி என்றால் நேஹா ஐன்ஸ்டீன், ஹாக்கிங் மற்றும் பில் கேட்ஸை விட அதிக ஐ.க்யூ. உள்ளவர். நேஹா 7 வயதாக இருக்கும்போது தான் அவரது பெற்றோர்கள் இங்கிலாந்தில் குடியேறியுள்ளனர். பள்ளியில் அதிக மதிப்பெண்கள் வாங்கும் அவர் மென்சா ஐ.க்யூ. தேர்வில் 18 வயதுக்குட்பட்டோர் அதிகபட்சம் எடுக்க முடிந்த மதிப்பெண்ணை வாங்கியுள்ளார்.

என் மகளை நினைக்கையில் பெருமையாக உள்ளது என்று அவரது தாய் ஜெயஸ்ரீ தெரிவித்தார். நேஹா பெற்றோர் வழியில் டாக்டராக முடிவு செய்துள்ளார். அமெரிக்காவில் உள்ள ஹார்வர்ட் பல்கலைக்கழகத்தில் படிக்க திட்டமிட்டுள்ளார்.

Published On March 6, 2013