முதல்வர்களே கலந்து கொள்ளாத டெல்லி முதல்வர்கள் மாநாடு!

டெல்லி: நாட்டின் சட்டம் ஒழுங்கு, காவல்துறை மேம்பாடு குறித்து பேசுவதற்காக இன்று டெல்லியில் நடந்த முதலமைச்சர்கள் மாநாட்டை, அதிக முதலமைச்சர்கள் புறக்கணித்து விட்டனர்.

மத்திய உள்துறை அமைச்சகம் ஏற்பாடு செய்திருந்த இந்த முதலமைச்சர்கள் மாநாட்டில், ஒடிஸ்ஸா, அஸ்ஸாம், உத்தர்கண்ட், திரிபுரா, அருணாச்சலம், மேகாலயா, நாகாலாந்து மாநில முதலமைச்சர்கள் மட்டுமே பங்கேற்றனர்.

மற்ற ஏனைய மாநில முதலமைச்சர்கள் கூட்டத்தில் பங்கேற்காமல், தங்கள் சார்பில் அமைச்சர்களை மட்டுமே அனுப்பியிருந்தனர்.

மேலும், பொதுவாக முதலமைச்சர்கள் மாநாட்டில் சிறப்பு விருந்தினராகக் கலந்து கொள்ளும் பிரதமரும் இந்த மாநாட்டில் கலந்து கொள்ளாதது குறிப்பிடத்தக்கது.

English summary

The Cheifministers conference for this year held today at Delhi. In this conference many of the CM were not present, instead they have sent their representative to the conference.