பச்சைகலரு சிங்குசா... மஞ்சக்கலரு சிங்குசா...ஆறுமாசமா விதவிதமா லிப்ஸ்டிக் போட்டு கலக்கும் வினோதப்பெண்

Published: Friday, April 19, 2013, 13:55 [IST]

Subscribe to Oneindia Tamil

லண்டன்: ஒவ்வொருவருக்கும் ஒரு பழக்கம்.. இந்தப் பெண்ணுக்கோ வினோதமான பழக்கம். அதாவது ஒவ்வொரு நாளும் தனது உதடுகளுக்கு ஒரு லிப்ஸ்டிக் போட்டு அதைப் படம் எடுத்து தனது பிளாக்கில் போட்டு வருகிறார் இப்பெண். இப்படி போட ஆரம்பித்து 6 மாதமாகி விட்டதாம். இப்படியே ஒரு வருடத்தை முடிக்கப் போகிறாராம் இப்பெண்.

அதை தனது பிளாக்கிலும் (http://www.beautypassionista.co.uk/) தினந்தோறும் வெளியிட்டும் வெளியிட்டு வருகிறார்.

கேட்கவே வித்தியாசமா இருக்குல்ல. ஆனால் இதை சீரியஸாக செய்து வருகிறார் இப்பெண்.

அப்பெண்ணின் பெயர் அம்பாரினா ஹசன். இதுவரை 182 வகையான லிப்ஸ்டிக்குகளால் தனது உதடுகளை அலங்கரித்து விட்டார் இப்பெண். இன்னும் நீள்கிறது இவரது உதட்டுச் சாய ஆசை. தனது பிளாக் மற்றும் இன்ஸ்டாகிராம் மூலம் இதை ஆவணப்படுத்தி வருகிறார் அம்பாரினா.

ஆரம்பத்தில் ஆர்வம் இல்லை

ஆரம்பத்தில் விதம் விதமாக லிப்ஸ்டிக் போடுவதில் அம்பாரினாவுக்கு ஆர்வம் இருந்ததில்லையாம். ஆனால் தற்போது இதை ஒரு வேள்வி போல செய்து வருகிறாராம்.

6 மாதம் ஓவர்..ஒரு வருடத்திற்கு இலக்கு

இதுவரை 6 மாதத்தை அவர் ஓட்டி விட்டார். தினசரி ஒருலிப்ஸ்டிக்கை தனது உதடுகளில் பதிக்கிறார் இவர். ஒரே கலரை அடுத்த நாள் அப்ளை செய்வதில்லையாம். தினசரி ஒரு கலராம், ஒரு ரகமாம். ஒரு வருடம் வரை இந்த லிப்ஸ்டிக் உலா தொடருமாம்.

பிளாக்கில் புகைப்பட தொகுப்பு

பியூட்டி பேசனோனிஸ்டா என்ற பெயரிலான தனது பிளாக்கில் இந்தப் படங்களை அவர் தினசரி போட்டு வருகிறார். இன்ஸ்டாகிராமிலும் இடம் பெறச் செய்கிறார்.

தினசரி ஒரு மகிழ்ச்சி

இந்த வினோதப் பழக்கம் குறித்து அம்பாரினா கூறுகையில், எனக்கு இது புத்துணர்ச்சி தருகிறது. புது மகிழ்ச்சி தருகிறது. தினசரி புதுப் பெண்ணாக என்னை உணர்கிறேன் என்றார்.