கன்சாஸ் பல்கலைக்கழகத்தில் ஒன்றாக படித்து, ஒரே நாளில் பட்டம் பெற்ற சவூதி தாய், மகன்

வாஷிங்டன்: அமெரிக்காவில் சவூதியைச் சேர்ந்த பெண்ணும், அவரது மகனும் ஒரே பல்கலைக்கழகத்தில் படித்து ஒரே நாளில் பட்டம் பெற்றுள்ளனர்.

சவூதி அரேபியாவைச் சேர்ந்தவர் பாத்திமா அல் காப்லி(46). அவரது மகன் சலாம்(22). இருவரும் அமெரிக்காவில் உள்ள பிரபல கன்சாஸ் பல்கலைக்கழகத்தில் படித்தனர். அண்மையில் பல்கலைக்கழகத்தில் பட்டமளிப்பு விழா நடந்தது. அந்த மேடையில் பாத்திமா கணிதவியல் இளங்கலை பட்டமும், சலாம் பெட்ரோலியம் என்ஜினியர் பட்டமும் பெற்றனர்.

அடுத்ததாக கணிதவியல் முதுகலைப்பட்டம் பெற்று அதன் பிறகு தனது கணவரைப் போன்று முனைவராக வேண்டும் என்று பாத்திமா தெரிவித்தார். டிப்ளமோ படித்த பாத்திமா மேல் படிப்பு படிக்க அமெரிக்கா செல்லும் முன்பு கிழக்கு சவூதியில் உள்ள இஹ்சாவில் பள்ளி ஆசிரியையாக இருந்தார்.

தனது தாய் பாத்திமா தன்னை விட திறமைசாலி என்றும், படிப்பில் தனக்கு உதவி செய்ததாகவும் சலாம் தெரிவித்தார்.

தாயும், மகனும் ஒரே நாளில் ஒரே மேடையில் பட்டம் பெற்றது பலரையும் வியப்படையச் செய்துள்ளது.

English summary

Fathima Al Gafli, a 46-year old Saudi woman got graduated from Kansas university with her son Salam(22) on the very same day.